1 ऑक्टोबर रक्तदान दिन

ऑक्टोबर हीटमध्ये आयुर्वेदशास्त्राने पित्ताच्या विकारांना प्रतिबंध करण्यासाठी रक्तमोक्षण करण्यास सांगितले आहे. यामध्ये सिरींजच्या सहाय्याने शरीरातील ५० ते १०० मिली रक्त काढून टाकले जाते. त्यापूर्वी औषधी तुपाचे सेवन सांगितले आहे. अर्थात हे देखील योग्य सल्ल्याने करावे. परंतु या काळात सर्वाना साधणारा आणि गरजूंना उपयुक्त ठरणारा आणि ज्यात रक्तमोक्षणही साधले जाते, असा घटक म्हणजे रक्तदान होय. ज्या व्यक्ती रक्तदान करायला वैद्यकीयदृष्टया योग्य आहेत अशांनी या शरद ॠतुत अधिकृत रक्तपेढीत जाऊन रक्तदान केले तर त्याने व्यक्तीला पित्ताच्या विकारांपासून बरेचसे संरक्षण मिळते. जागतिक रक्तदान दिन हा देखील ऑक्टोबर महिन्यात साजरा केला जातो. हाही एक योगायोग आहे. सतत तोंड येणे, अंगावर पित्त येणे अशा विविध पित्तविकारांवर रक्तदानाचा उपयोग होऊ शकतो.